Obd 10-14 | IboBIU | STEP | Nʼihi na i gbuola ma mesokwa nwanne gị bụ Jekọb ihe ike. Ihere ga-ekpuchi gị; a ga-alakwa gị nʼiyi ruo mgbe ebighị ebi.

Obadiah 10-14

10 Nʼihi na i gbuola ma mesokwa nwanne gị bụ Jekọb ihe ike.
Ihere ga-ekpuchi gị;
a ga-alakwa gị nʼiyi ruo mgbe ebighị ebi.
11 Nʼụbọchị ahụ, ị nọọrọ onwe gị,
na-ele ndị ọbịa ka ha na-akwakọrọcha akụnụba ya,
sitekwa nʼọnụ ụzọ ama ya gafee
fee nza iji kerie Jerusalem.
Ị dịkwa ka otu onye nʼime ha.
12 Ma ị garaghị eleda nwanne gị anya
nʼụbọchị nsogbu ya,
ị garaghị aṅụ ndị Juda
nʼụbọchị ahụ e bibiri ha.
Ị garaghị anyara ha isi
nʼụbọchị ahụ ha nọ na nsogbu.
13 I kwesighị isite nʼọnụ ụzọ ama ndị m zọọ ije
nʼụbọchị ha nọ na nsogbu,
o zighị ezi na i ga-enwe obi aṅụrị nʼoge ihe ọjọọ bịakwasịrị ha,
nʼụbọchị ha nọ na nsogbu,
maọbụ jiri aka ike pụnara ha akụ ha
nʼụbọchị nsogbu ha.
14 I kwesighị ịnọchi na ngalaba ụzọ
igbu ndị na-agbapụ ọsọ ndụ,
maọbụ were ndị ha fọdụrụ ndụ nyefee ha nʼaka ndị iro ha,
nʼụbọchị nsogbu ha.